Plani i Presidentit të zgjedhur të SHBA-së, Donald Trump për të marrë Groenlandën nga Danimarka nuk është një “ide e çmendur”, ka thënë ish-komandanti suprem i aleatëve të NATO-s në Evropë, James Stavridis. Megjithatë, ai hodhi poshtë mundësinë e ndërhyrjes ushtarake, në vend të kësaj duke mbrojtur për angazhimin ekonomik si një mjet për të forcuar lidhjet me rajonin.
Admirali në pension e përshkroi Grenlandën si një “minierë ari strategjik për Shtetet e Bashkuara”, duke theksuar vendndodhjen e saj dhe burimet e bollshme natyrore.
“Ndodhet në majë të Atlantikut të Veriut. Ai mbron qasjet në vendin tonë – Oqeanin Atlantik – kështu që është gjeografikisht shumë i rëndësishëm”, tha Stavridis. Ai shtoi se rajoni është i pasur me minerale të rralla dhe ka të ngjarë të ketë depozita të mëdha nafte dhe gazi.
“Dhe është e madhe, një masë e madhe toke. Është tri herë më e madhe se Teksasi,” tha ai.
“Ne pothuajse e blemë atë në të njëjtën kohë kur blemë Alaskën, në vitet 1860. Kështu që nuk është një ide e çmendur”, u shpreh ish-komandanti i NATO-s.
Ish-komandanti i NATO-s përjashtoi përdorimin e “forcës ushtarake për të sulmuar Groenlandën ose Danimarkën”, duke argumentuar se SHBA duhet të përqëndrohet në angazhimin ekonomik për të kundërshtuar ndikimin rus dhe kinez në rajon.
