“Javën e ardhshme do të hapen qendrat e emigrantëve në Shqipëri”. Kështu e njoftoi ministri i Brendshëm, Matteo Piantedosi nisjen e operacioneve të transferimit të emigrantëve të parë në qendrën e pritjes në Gjadër, një ish-zonë i Forcave Ajrore Shqiptare e braktisur prej shumë vitesh dhe e rindërtuar tërësisht. Rreth 400 emigrantë do të dërgohen në fazën e parë.
Ndërkohë janë rindezur polemikat për këto qendra pas një investigimi të gazetës “Domani” për kontratat pa transparencë.
Për sekretaren e Partisë Demokratike, Elly Schlein janë shpërdoruar 800 milionë euro.
Piantedosi: Ardhja “reale” e emigrantëve
Për kreun e Ministrisë së Brendshme, të hënën fillon operacioni i rehabilitimit të emigrantëve.
“Ne planifikojmë të largohemi, por padyshim gjithçka lidhet me atë që ndodh në Mesdhe, gjithçka varet nga aktiviteti i trafikantëve”, u shpreh ministri.
“Nuk do të ketë prerje shiriti, shton ai, por premtoi që së shpejti do të bëjë një vizitë për të parë se si po shkojnë gjërat”.
Kreu i Ministrisë së Brendshme rithekson se strukturat që lindin në Shqipëri janë të ngjashme me ato të pranishme në territorin kombëtar si në Porto Empedocle apo Modica.
“Ato janë kontrolle të lehta, nuk janë CPR. Nuk ka tela me gjemba, ka asistencë. Çdokush mund të aplikojë për mbrojtje ndërkombëtare”. thekson ai.
Skica e strukturave në Shqipëri
Në portin e Shëngjinit është ngritur një “rrjet”për identifikimin e emigrantëve të shpëtuar në det nga anijet italiane. Pas mbledhjes së të dhënave personale, personat do të transferohen në Gjadër, rreth njëzet km në brendësi të vendit. Këtu janë ngritur tre struktura: një qendër për ndalimin e azilkërkuesve (880 vende), një CPR (144 vende) dhe një burg (20 vende). Struktura mbyllet me një gardh të lartë 5 metra me godinat e parafabrikuara në qendër ku do të vendosen emigrantët ndërsa në një bllok të dytë do të akomodohen ata që u refuzohen aplikimet, të destinuar për t’u riatdhesuar.
Transparenca mbi prokurimin dhe sulmi i Schlein (Pd)
Ka nga ata që ngrenë pyetje në lidhje me procesin e përdorur për dhënien e kontratave. Sipas asaj që pretendon gazeta “Il Domani”, ka pasur detyra direkte me vlerë rreth 60 milionë euro: dhjetëra projekte që do të ishin caktuar pa tender nga fundi i marsit deri në shtator.
Për sekretaren e Partisë Demokratike, Elly Schlein , “ka mungesë transparence”. Për kreun e DEM-it janë gjithsej 800 milionë që mund t’i kishin vënë në shëndetësi.
“Ne jemi kundër kësaj shkeljeje të të drejtave themelore të atyre që kërkojnë azil, që është gjithashtu një humbje e madhe e parave të taksapaguesve italianë”.-është shprehur ajo.
Nga ana e saj, Avs kërkon publikimin e menjëhershëm të listës së të gjitha kompanive të përfshira nga qeveria Meloni në ndërtimin e CPR-ve në Shqipëri të përcaktuara si “kampe reale përqendrimi për deportimin e emigrantëve./ Marrë nga “Il Sole”
