Gjatë debatit të kësaj të enjteje në “Top Story” të drejtuar nga Grida Duma, Gazment Bardhi, duke tentuar të tregojë se ështé bashkuar me grupin e Sali Berishës për të mirën e PD dhe për arsye parimore, pati një përplasje edhe me analistin Lorenc Vangjeli.
Ky i fundit ja ka ndërprerë ligjërimin “parimorë” për bashkimin e grupit dhe kauzat e përbashkëta dhe e ka pyetur drejtëpërdrejtë: Atë vilën e Flamurit, (Nokës) e ke futur në xhep apo e ke fshehur nga prapa?!. Kujtojmë se jo shumë kohë më parë kur Gazment Bardhi buçiste në parlament si proamerikan dhe antiberishist i madh, pati një përplasje të egër me Flamur Nokën, të cilin mes të tjerave e akuzoi edhe për një vilë rreth 750mijë euro që ka në Gjirin e Lalzit.
Pikërisht këtë akuzë të rëndë lëshuar ndaj Nokës me të cilin tani është bërë bashkëluftëtarë për të mirën e opozitës, i përmendi Vangjeli, Gazment Bardhit. Në videon e mëposhtme mund të shihni edhe reagimin dhe shmangjen “me lezet” të Bardhit:
