Bashkia Vlorë gjatë Tetorit ka zhvilluar nje numër dëgjesash publike në njesi administrative te ndryshme gjithashtu edhe në rajonet e qytetit , keto konsultime publike jane kryer ne funksion te buxhetit te kesaj bashkie per vitin 2024.
Nuk ka ndryshuar asgje nga vitet e meparshme dhe ne fund te procesit do kemi perseri te njejtat gabime ose te meta si buxhetet e viteve te kaluar.
Buxhetimi sipas grupit te Këshilltareve te Partisë Demokratike mund të funksionojë mjaft thjesht.
Në vend që Këshilli Bashkiak të vendosë se si të shpenzojë 23 milionë Euro nga “paratë e menusë buxhetore” që i ndahen çdo vit secilit prej anëtarëve të komunitetit nga të ardhurat e veta dhe ato të buxhetit të shtetit për arsim, edukim, mbështetje sociale, përmirësime kapitale, nevojitet që: të hapet një proces publik për oponencë publike duke u bërë thirrje ekspertizave të shoqërisë civile dhe organizatave për të llogaritur efektet buxhetore në reflektim të kërkesave qytetare se si mund të shpenzohen paratë publike sipas ndarjes që i destinojnë vetë qytetarët.
Pjesa që nuk përputhet midis kërkesës qytetare dhe projektit të propozuar nga bashkia duhet të jenë temat për diskutim të hapur publik. Kjo qasje është e shëndetshme dhe rikthen besimin qytetar te vendimarrja vendore. Kjo quhet gjithpërfshirje e gjithë faktorëve në procesin e hartimit të buxhetit të qytetarëve.
Buxhetimi me pjesëmarrjen e ekspertizës u jep qytetarëve kontroll real se ku shpenzohet një buxhet, në një mënyrë që pasqyron më mirë pikat e forta, nevojat dhe aspiratat e popullatës dhe mund të jetë më efektive.
