Protestë në Prishtinë nga veteranët e UÇK-së, Mimoza Kusarit i kërkohet të dorëzojë mandatin si deputete

spot_img
Advertisements

Qytetarë dhe veteranë të UÇK-së, janë mbledhur në sheshin “Skënderbeu” në Prishtinë, për të protestuar në shenjë kundërshtimi ndaj vendimit të qeverisë “Kurti”, lidhur me pagën minimale.

Veteranët e UÇK-së deklarojnë se ata nuk janë përfshirë në vendimin e qeverisë. Pjesë e protestës është edhe biseda mes kryetares së grupit parlamentar të Vetëvendosjes Mimoza Kusari me nënkryetarin e Listës Srpska, Sllavko Simiq, ku pretendohet sipas protestueve, se flitet kundër pagës minimale të veteranëve të UÇK-së.

“Qeveria e Kosovës nuk po tërhiqet nga veprimet skandaloze. Prandaj, të shtunën më 15 korrik protestojmë të gjithë kundër skandaleve qeveritare. Kundër koordinimit me Milan Radojçiqin. Kundër shkeljes së të drejtave të ushtarëve të UÇK! Mimoza Kusari duhet ta dorëzojë mandatin. Një politikane që është zënë duke u koordinuar me Milan Radojçiq kundër luftëtarëve të UÇK nuk duhet të jetë pjesë e Kuvendit të Kosovës. Ligji që përjashton u votua turpshëm nga shumica parlamentare”,- thuhej në njoftimin e protestës nga OVL e UÇK-së.

Qytetarët dhe veteranët mbajnë në duar flamujt e kombëtar, të Kosovës e të UÇK-së. Policia e Kosovës ka deklaruar se nuk ka pasur asnjë kërkesë për zhvillimin e protestës. Policia është pozicionuar rreth ndërtesave të Qeverisë dhe të Kuvendit.

Veteranët e UÇK-së kanë vendosur që të pengojnë funksionimin e punës në Kuvendit të Kosovës, sa herë që të zhvillohen seanca, deri në përmbushjen e kërkesave të tyre. Shumë figura politike e publike të Kosovës kanë shprehur mbështetje për protestën.

Latest articles

Related articles