Për rreth 5 orë ka zgjatur mbrotja e ish-ministrit Lefter Koka. Avokati Julian Mërtiri deklaroi se klienti i tij është i pafajshëm për 3 akuzat, shpërdorim detyre, korrupsion pasiv dhe pastrim i produkteve të vepres penale.
Mërtiri deklaroi se Koka thejsht ka zbatuar vendimin e këshillit të ministrave. Ka qenë komisioni që është ngritur me përfaqësues të shumë ministrive dhe pushtetit lokal që ka vendosur për dhënien e koncesionit, ndërsa Koka ka firmosur thjesht vendimin e qeverisë Rama.
Avokati tjetër i Lefter Kokës ka ngritur akuza të forta, teksa u shpreh se klienti i tij nuk ka pasur lidhje me Klodian Zoton. I vetmi që ka pasur lidhje ka qenë ish Ministri Arben Ahmetaj. Ai madje shtoi se Ahmetaj ka pësuar aksident në Maqedoni me Zoton, ka transaksione në një vilë, si edhe disa emaile, ku duket qartë kush është personi që ka komunikuar dhe ka bashkëpunuar me administratorin e Inceneratorit të Elbasanit.
Ndërsa vetë Koka shpërtheu në akuza të forta ndaj ish partisë ku bënte pjesë. Ai tha se prej 2 vitesh sulmohet politikisht nga ish partia e tij. Ish Presidentin e quajti fuks dhe ish sigurims, që së bashku me aleaten më të madhe, Fallxhoren (Kryemadhi) ka orkesteuar procesin ndaj tij. Më tej Koka theksoi se ish Presidenti fliste në mejhane duke thënë se do të arrestohet Lefter Koka. Në fund ai nuk kurseu as sulmin ndaj prokurorit të spak, duke thënë se është përdorur me dashje apo padashje nga kallëzuesit. Teksa gjykata pyeti prokurorin Klodian Braho nëse do të përgjigjet ndaj deklaratës së Kokës, prokurori deklaroi se në fund të mbrojtjes së të gjithë të pandehurve do të konsiderojne mundësinë e rëplikës. Kjo solli nervozizmin e Kokës që iu përgjigj me ironi: “Pse ke akoma për të thënë”, dhe la sallën e gjyqit.
Koka po ashtu shtoi se në politikë ka hyrë si biznesmen dhe se nuk është bërë biznesmen nga politika. Ai më tej deklaroi se inceneratori u ndërtua për shkak të emrgjencës mjedisore të krijuar në 2014 dhe se qeveria duke mos pasur para për ta ndërtuar vetë pa të arsyeshme, ndërtimin me ppp. Ai tha se Lefter Koka ka pasur thejsht një votë në këshillin e ministrave dhe se koncesionet nuk i ka krijuar Lefter Koka por perëndimi.
“Një e vërtetë e thënë përgjysmë është e pavërtetë. Prokuroria u bazua tek kallëzimi LSI dhe për 2 vite nuk më mori në pyetje asnjëherë. Unë si ministër, sekretari përgjithshëm dhe Komisioni kemi zbatuar me përpikmëri ligjin. Bëmë punën më të mirë dhe shërbyem me devotshmëri. Eshtë kohë e vështirë që kërkon burra e burrni, unë si kam borxh askujt ta paguaj me lirinë time”, tha ndër të tjera ish-ministri Koka.
