Nga Ana Llazo
Kohët e fundit gjuha shqipe ka bërë një regres të dukshëm e cila vihet re edhe në rezultatet e maturës shtetërore. Një gjuhë e rënduar me shprehje dhe frazologji të pa nevojshme dhe zhargone që theksojnë mungesën e kulturës dhe formimit bazë. Media e shkruar dhe vizive luan një rol parësor dhe dashur apo pa dashur kthehet ne një imitim e cila ndikon apo prek thelle mendësinë e brezit të ri. Gjuha është baza për transmetimin e kulturës, traditës dhe identitetit. Progresi dhe jo regresi i saj duhet të mbrohet dhe luftohet me fanatizëm nga të gjitha institucionet shtetërore arsimore, zyrat ku rolin kryesor e zë shkolla. Zhvillimi i një kombi lidhet drejtpërdrejt me arsimimin, konkurimin e dijeve dhe rolin e gjuhës. Epoka e Rilindasve përsa i përket gjuhës dhe larmisë së saj po zëvëndësohet me zhargone te pa nevojshme dhe aq më pak po vihet re funksioni i saj. Avantazhet e gjuhës së huaj rezultojnë të larta dhe kjo lidhet ngushtë me mundësitë e punësimit brënda dhe jashtë Shqipërisë, dëshirës për emigrim dhe ndoshta pjesë e një arsimi themelor liberal. Një analizë e thelluar duke peshuar dhe balacuar këto rezultate do të kishte nje ndikim të drejtpërdrejtë në zgjidhjen e ketij problemi.
