Zëvendëskryeministri i Italisë ka kritikuar vendimin e Autoritetit të Mbrojtjes së të Dhënave të qeverisë për të ndaluar përkohësisht ChatGPT-në, duke thënë se bllokimi për shqetësimet e privatësisë dukej i tepruar, raportoi të hënën Reuters.
OpenAI e mbështetur nga Microsofti e hoqi ChatGPT jashtë linje në Itali të premten pasi agjencia kombëtare e të dhënave ngriti shqetësime mbi shkeljet e mundshme të privatësisë dhe për dështimin për të verifikuar që përdoruesit ishin të moshës mbi 13 vjeç, siç është kërkuar.
Lëvizja e agjencisë, e cila është e pavarur nga qeveria, e bëri Italinë vendin e parë perëndimor që ndërmerr veprime kundër një chatboti të mundësuar nga inteligjenca artificiale.
“Mendoj se vendimi i Vëzhguesit të Privatësisë që detyroi ChatGPT-në të parandalojë qasjen nga Italia është disproporcional”, shkroi në Instagram Matteo Salvini, i cili është lider i partisë Lidhja e koalicionit qeverisës.
Që nga publikimi i tij vitin e kaluar, ChatGPT ka shkaktuar një mani teknologjike, duke nxitur rivalët të lansojnë produkte dhe kompani të ngjashme për ta integruar atë ose teknologji të ngjashme në aplikacionet dhe produktet e tyre.
OpenAI, i cili çaktivizoi ChatGPT-në për përdoruesit në Itali pas kërkesës së agjencisë, tha të premten se punon në mënyrë aktive për të reduktuar përdorimin e të dhënave personale në trajnimin e sistemeve të saj të Inteligjencës Artificiale si ChatGPT.
