Në Qarkun Lezhë kandidon Prel Deda. Ai është bir i një familjeje të persekutuar nga regjimi komunist, me baba të burgosur e daja të arratisur në Amerikë. Me origjinë nga Berisha e Puka ai prej vitit 1985 ka jetuar në Kurbin.
Pas vitit 1992 Prela punoi në polici në Kurbin e në Pukë, prej shef kuadri deri shef i policisë. Më pas u angazhua si kryetar i PD në Pukë e mandej në vitin 2004 emigroi në Amerikë.
Sot në Amerikë ai e familja e tij kanë biznes, paguajnë rroga, nxjerrin fitime të ligjshme. Pra nga persekutimi në Shqipërinë komuniste kanë arritur të kenë biznes në Amerikë.
Prel Deda nuk i ka vjedhur askujt asgjë, nuk ka gjobitur askënd, ka punuar e ka fituar me mendjen e tij dhe me krahët e tij. Kudo në botën e qytetëruar kjo do të ishte vlerë e padiskutueshme. A do të votohet edhe në Shqipëri, edhe në Lezhë, në Kurbin e Mirditë? A do të jetë Prel Deda deputet i 11 majit 2025?
Ndoshta po. Me listat e hapura që Lulzim Basha po aplikon, deputet në Lezhë zgjidhesh edhe me 3000-3500 vota. Atë votë që merr kandidati i shkon kandidatit, jo listës së mbyllur.
Si zgjidhesh deputet me aq vota? Kjo ndodh kur 6 kandidatët marrin secili mbi 800-1500 vota dhe njëri kandidat merr 2500-3500. Partia e fiton mandatin dhe mandatin që ka fituar partia, ia jep kandidatit që ka 1 votë më shumë se tjetri.
Në ketë mënyrë ka shumë shanse të ndodhë që Prel Deda të zgjidhet deputet në parlamentin e Shqipërisë.
Ai kandidon për “Koalicioni Euroatlantik”, numri 4 në fletën e votimit.
