Mediat italiane kanë dhënë të tjera detaje mbi operacionin e pak ditëve më parë, ku u godit një rrjet shqiptar që trafikonte drogë në shtetin fqinj dhe më pas drejt vendeve të BE.
Sipas “Corriere Della Sera”, një nga depot e një kompanie ndërtimi në Palazzolo dhe një sërë garazhesh nëntokësore në Rovato ishin dy “bazat” ku magazinohej droga në Breshia.
“Eduart Leba, një 38-vjeçar nga Durrësi, punonte për kompaninë e ndërtimit që më vonë u përdor si “qendër” në Palazzolo, me sa duket pa dijeninë e pronarit. Ai ishte përgjegjës për “marrjen e dërgesave të kokainës nga korrieri, ruajtjen dhe shpërndarjen e tyre”. Bashkatdhetari i tij Risardo Musaj, 24 vjeç, thuhej se ishte përgjegjës për magazinën Rovato: “Ai merrte dërgesa kokaine nga korrieri, i ruante dhe i shpërndante ato, paguante korrierin dhe mblidhte para pasi droga shitej”. Në krye të kësaj organizate ishte Elvis Doçi (Visi i Pojës), 48 vjeç: ai besohet të jetë “promotori dhe drejtori i organizatës, i aftë për të mbajtur kontakte me trafikantët ndërkombëtarë të drogës. Ai vendoste për importet në Itali, duke përcaktuar sasitë, kohën dhe çmimet. Ai u jepte udhëzime anëtarëve të tjerë, të cilët duhej ta informonin menjëherë për rezultatet e importeve dhe të ardhurat nga shpërndarja”, thuhet në shkrim.
Nëntë shqiptarë të tjerë në “fazën” e dytë të hetimit jetonin midis Marchenos, Brescias, Sarezzos, Capriolos, Castel Mellas, Erbuscos dhe Paraticos. Policia financiare identifikoi ngarkesa deri në njëqind kilogramë kokainë, që mbërrinin nga Amerika e Jugut nëpërmjet porteve të Evropës Veriore, pastaj shëprndaheshin me rrugë tokësore. Heroina, nga ana tjetër, vinte nga Ballkani dhe “udhëtonte” me autobus. Grupi kriminal merrte informacion direkt nga Shqipëria, ku të ardhurat në para të gatshme, ktheheshin më pas falë “kasafortave të parave”.
Midis personave nën hetim është një biznesmen nga Bergamo, i cili dyshohet se ka siguruar kamionë dhe shoferë. Gjithashtu është arrestuar një 44-vjeçar nga Lecce, një pikë kontakti e dyshuar midis trafikantëve shqiptarë dhe Sacra Corona Unita.
Gjatë hetimit, Departamenti i Zjarrfikësve të Brescias dhe SCICO Qendrore sekuestruan 550,000 euro, dhjetë makina, një pistoletë dhe 130 kilogramë drogë me vlerë 12 milionë euro në treg
