Agron Kuliçaj, ish-Zv.drejtori i Policisë së Shtetit ka folur për mediet pasi ka dalë nga ambientet e SPAK, ku qëndroi për rreth 30 minuta.
Kuliçaj u pyet për dosjen e “21 janarit” dhe tha se dha shpjegimet e tij për kohën kur ishte pjesë e Policisë së Shtetit.
Agron Kuliçaj: …lidhur me gjithë veprimtarinë e ligjshme që struktura që kam mbuluar ka kryer në atë periudhë. Dhashë shpjegimet e mia.
Për këtë çështje, dje u thirr edhe ish drejtori i Policisë së Përgjithshme Hysni Burgaj.
Që kur dosja i kaloi SPAK, Prokuroria e Posaçme vijon marrjen në pyetje të drejtuesve të lartë të institucioneve të përfshira në ngjarjen e 4 vrasjeve shtetërore të 21 janarit 2011.
