Shqipëri, 2 Tetor 2024: Wizz Air, linja ajrore më e madhe e Shqipërisë dhe me rritjen më të shpejtë në Evropë, është krenare të njoftojë nisjen e linjës së saj ekskluzive të re nga Tirana në Leipzig, Gjermani. Duke filluar nga 30 Shtatori, udhëtarët tani kanë mundësinë unike të fluturojnë direkt nga Tirana në Leipzig, duke shënuar një moment të rëndësishëm pasi Wizz Air bëhet linja e parë ajrore që ofron këtë rrugë.
Leipzig është i njohur për jetën e tij të pasur kulturore, veçanërisht në artin bashkëkohor. Për dashamirësit e muzikës klasike, Leipzig ofron një përvojë të veçantë, duke përfshirë Muzeun e Bach-ut, shtëpinë e Mendelssohn-it dhe koncerte të mbajtura në ambiente historike ku këta emra të mëdhenj të muzikës klasike kanë performuar dikur. Përtej aspektit kulturor, Leipzig gjithashtu ofron një natyrë dhe kuzhinë të larmishme.
Detaje kryesore të linjës së re:
• Data e nisjes: 30 Shtator 2024
• Qyteti nisjes: Tiranë, Shqipëri (TIA)
• Destinacioni: Leipzig, Gjermani (LEJ)
• Frekuenca: 3 herë në javë, çdo të Hënë, të Mërkurë dhe të Premte
Tamara Nikiforova, Menaxhere e Lartë e Komunikimit në Wizz Air, tha: “Jemi të lumtur që kemi inauguruar këtë rrugë ekskluzive për në Leipzig, duke ofruar më shumë mundësi udhëtimi dhe fleksibilitet për klientët tanë. Leipzig është një qytet dinamik me shumë për të ofruar, dhe jemi të emocionuar që jemi linja e parë ajrore që lidh drejtpërdrejt Tiranën me këtë destinacion fantastik. Kjo linjë e re nënvizon përkushtimin tonë për të zgjeruar rrjetin tonë dhe për të ofruar mundësi udhëtimi me kosto të ulët për pasagjerët tanë.”
Informacion për Rezervime:
Biletat për linjën e re Leipzig janë të disponueshme. Udhëtarët mund të rezervojnë fluturimet e tyre përmes faqes së internetit të Wizz Air ose aplikacionit celular të Wizz Air në iOS dhe Android, dhe ata mund të paguajnë në monedhën shqiptare!
