Një debat i ashpër është zhvilluar mes kreut të grupit parlamentar të PD, Gazment Bardhi dhe kreut të Nismës Thurje Endri Shabani, ku nuk kanë munguar tonet e larta, apo edhe ofendimet ndaj njëri-tjetrit.
Debati mes tyre është rindezur pasi Shabani i tha Bardhit se ai për interesa ka lëvizur nga njëra palë në tjetrën. Po kreu i Nismës Thurje nuk u ndal me kaq, ai iu drejtua Bardhit për makinën me të cilën sot kishte shkuar në studion e “Open”, ku sipas tij kushton 200 mijë euro.
Bardhi e ka mohuar diçka të tillë, madje është shprehur se nëse mjeti i tij tip “Benz” kushton aq, do të ja falte atij.
Pjesë nga debati:
Shabani: Ti qarkullon nga partia në parti, ke shkuar me babin e Zenit tani. Op tani te prehri i Berishës
Bardhi: Unë kam qëllim largimin e Edi Ramës.
Shabani: 200 mijë euro e kishte atë Benzin.
Bardhi: Ashtu?! (Qesh)
Shabani: Pse qesh kot?
Bardhi: Po njerëzit më shohin me çfarë makine lëviz unë.
Shabani: Do t’i bëj fotografi, e ke aty jashtë me gjithë shofer.
Bardhi: Nëse është 200 mijë do ta fal.
Shabani: Jo mua, jepja pensionistëve.
Bardhi: Jo 200, po 20 mijë nëse është ta fal. Ta jap ty dhe ti fale.
Shabani: Shpjegoje sa është
Bardhi: Po nuk të jap llogari ty. Kur të shpjegosh makinën që ke blerë me paratë e buxhetit të shtetit…
Shabani: Prapë shpifje, prapë shpifje
