Mariah Carey ka treguar se është në zi për humbjen e nënës dhe motrës së saj.
Këngëtarja 55-vjeçare ndau të hënën lajmin se ‘në një kthesë tragjike’ ato kishin vdekur të dyja në të njëjtën ditë.
Nëna e saj Patricia vdiq në moshën 87-vjeçare, ndërsa motra e saj Alison ishte 63-vjeçare.
Në një deklaratë të dhënë për PA, ajo tha: “Zemra ime është thyer që kam humbur nënën time fundjavën e kaluar. Mjerisht, në një kthesë tragjike të ngjarjeve, motra ime humbi jetën në të njëjtën ditë. Ndihem e bekuar që kam mundur të kaloj javën e fundit me nënën time para se ajo të vdiste. Unë vlerësoj dashurinë, mbështetjen dhe respektin e të gjithëve për privatësinë time gjatë kësaj kohe të pamundur”.
Këngëtarja e Always Be My Baby nuk zbuloi asnjë detaj të mëtejshëm rreth ngjarjeve që çuan në vdekje dhe nuk shtjelloi fare situatën përtej deklaratës së saj fillestare.
Mariah ka folur më parë për marrëdhënien e ndërlikuar që kishte me nënën e saj dhe e përshkroi të gjitha si një ‘ylber emocionesh’ në kujtimet e saj
