Policia Kufitare dhe Njësia Policore Detare kanë shpëtuar një baba dhe dy fëmijët e tij të mitur, të cilët kishin humbur kontaktet ndërsa ndodheshin në liqenin e Pogradecit me kanoe.
Pas një telefonate emergjente në Komisariatin e Policisë Pogradec, shërbimet e Njësisë Policore Detare u angazhuan menjëherë për të lokalizuar kanoen dhe për të siguruar kthimin e sigurt të të treve në breg.
Falë reagimit të shpejtë dhe profesionalizmit të policisë, incidenti përfundoi pa probleme dhe qytetari shprehu mirënjohjen për ndihmën e ofruar.
