Drejtori i Agjencisë për Zhvillim Bujqësor dhe Rural, Oltjon Muzaka, ka dhënë dorëheqjen nga detyra para pak ditësh. Muzaka ka qenë i emëruar në krye të këtij institucioni në kohën kur Ministrinë e Bujqësisë e drejtonte Frida Krifca.
AZHBR dyshohet si epiqendra e korrupsionit dhe vjedhjes së mbi 30 milionë eurove nga fondet e Bashkimit Europian përmes programit IPARD, ndërsa ish ministrja dyshohet si përgjegjësja kryesore për të gjithë skemën e vjedhjes së fondeve europiane të dedikuara për Shqipërinë.
