GJKKO ka dënuar me dy vite burg ish-kryebashkiakun e Lezhës, Fran Frrokaj i cili akuzohet për “shpërdorim detyre”.
Për shkak të gjykimit të shkurtuar, Frokajt i ulet me 1/3 dënimi, duke u dënuar përfundimisht me 1.4 vite burg.
Po ashtu, GJKKO ka dhënë dënim plotësues për Frrokajn, që për 5 vite i hiqet e drejta që të ushtrojë funksione publike.
Ai dhe 15 ish-zyrtarë të tjerë të Bashkisë së Lezhës, akuzohen se kanë bërë tjetërsimin e 234 mijë metrave tokë në bregdetin e Ranës së Hedhun në Shëngjin.
