Shefi dhe tre zyrtarë të tjerë të një firme indoneziane të prodhimit të një shurupi kolle, e cila lidhet me vdekjen e mbi 200 fëmijëve, janë dënuar me burg.
Ata u dënuan me dy vjet burg dhe u gjobitën 1 miliard rupie indoneziane (63.029 dollarë).
Firma, Afi Farma, u akuzua për prodhimin e shurupeve të kollës që përmbanin sasi të tepërt të substancave toksike.
Avokati i kompanisë tha se ata mohuan neglizhencën dhe firma po shqyrtonte mundësinë e apelmit.
Prokurorët kishin kërkuar një dënim me burg nga shtatë deri në nëntë vjet për shefin ekzekutiv të Afi Farma, Arief Prasetya Harahap, dhe shtatë vjet për secilin nga të pandehurit e tjerë.
Prokurori Publik tha se nga tetori 2021 deri në shkurt 2022 kompania ka marrë dy tufa me propilen glikol, i cili përdoret për prodhimin e shurupit të kollës.
Këto tufa përmbanin 96% deri në 99% etilen glikol, tha prokurori. Të dy substancat mund të përdoren si aditivë ndaj tretësve.
Ndërsa, propilenglikoli është jo toksik dhe përdoret gjerësisht në ilaçe, kozmetikë dhe ushqime, etilenglikoli është toksik dhe përdoret në bojë, stilolapsa dhe lëng frenash.
Kompania nuk i testoi përbërësit e përdorur në shurupin e kollës dhe në vend të kësaj u mbështet në certifikatat e cilësisë dhe sigurisë nga furnizuesi i saj, thanë prokurorët.
Avokati i Afi Farma, Samsul Hidayat, i tha BBC-së se rregullatori i barnave në Indonezi nuk u kërkon prodhuesve të medikamente të kryejnë testime rigoroze të përbërësve.
Gjykatësi në Gjykatën e Qarkut Kediri, Java Lindore, i shpalli fajtorë katër të pandehurit për prodhimin e qëllimshëm të mallrave farmaceutike që nuk plotësonin standardet e sigurisë.
Që nga viti 2022, më shumë se 200 fëmijë indonezianë, shumica e të cilëve ishin nën moshën pesë vjeç, kanë vdekur nga dëmtimi akut i veshkave i lidhur me shurupin e kontaminuar të kollës. Rreth 100 vdekje janë raportuar në Gambia dhe Uzbekistan.
Organizata Botërore e Shëndetësisë ka lëshuar paralajmërime për gjashtë shurupe kundër kollës të prodhuara në Indi dhe Indonezi.
