Gjykata e Durrësit ka në dorë tashmë të vendosë nëse do t’i japë apo jo leje Fredi Belerit, për të dalë nga burgu në mënyrë që të bëjë betimin si kryebashkiak i Himarës.
Çështja i ka kaluar tashmë Gjykatës së Durrësit, që duhet të caktojë nëse vendimi i Drejtorisë së Përgjithshme të Burgjeve për të mos i dhënë leje Belerit është apo jo i drejtë.
Kujtojmë se lejen për të dalë nga burgu e jep ose refuzon Drejtoria e Burgjeve, dhe në rastin e refuzimit, i burgosuri ka të drejtë ta apelojë në gjykatë, çka e ka bërë tashmë.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve vendore të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota.
Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin.
