Kryetari i Bashkisë së Tiranës, Erion Veliaj publikoi në mbledhjen e sotme të Këshillit Bashkiak një pagesë prej 122 mln lekësh që Bashkia e Kavajës kishte bërë në datën 22 gusht për inceneratorin e Tiranës.
Kjo A4 ishte stisur për të hutuar këshilltarët e opozitës të Sali Berishës dhe Ilir Metës, por jo këshilltarët e Partisë Demokratike, me znj. Enriketa Papa që e quajti këto letra propagandë dacibao (kineze) për të fshehur kërkesën për 6 milion euro sërisht për Inceneratorin e Sharrës.
“Dacibao (fleterrufeja) qe sot Kryebashkiaku i Bashkia Tiranë, paraqiti ne mbledhjen e Këshilli Bashkiak Tiranë, per te justifikuar pagesen prej 6ml €uro qe bashkia i shton 100 ml €urove te paguara per aferen korruptive te incineratorit te Tiranes, afere korruptive tashme nen hetim dhe sekuestro nga SPAK, eshte simbol i arrogances se pushtetit perkundrejt qytetareve dhe taksapaguesve te Tiranes.
SPAK ka nisur hetimet edhe për inceneratorin e Tiranës pas zbulimit të pronësisë së Mirel Mërtirit dhe Klodian Zotos, të spallur në kërkim ndërkombëtar, për mashtrime dhe vepra të tjera të rënda, ku edhe Erion Veliaj është person me interes për hetimet.
